سيڪس

هڪ ڀيري سگمنڊ فرائڊ پنهنجي هڪ مريض کي چڪاسيندي کانئس پڇيو، “هو دري مان ڏس! پول تي جھنڊو نظر اچئي ٿو؟” مريض وراڻيو هو، ”ها نظر اچي ٿو، پوڙهو ضرور آهيان پر تون ڇا ٿو سمجهين آنءُ انڌو آهيان ڇا؟“
فرائيڊ چيو، ”توهان خفا نہ ٿيو! اهو تپاس جو حصو آهي. مهرباني ڪري ٻڌايو تہ اهو پول ڏسي اوهانکي ڇا ٿو محسوس ٿئي؟“
مريض ٿورو شرمائيندي کيس چيو، ”سيڪس!“ فرائيڊ ڏاڍو سرهو ٿيو هو ڇو تہ ان طرح سندس تحليل نفسي (Psychoanalysis) واري نظريئي جي پُٺڀرائي ٿي رهي هئي ۽ مريض کي وڌيڪ چيو هئائين، ”اوهانجو علامتي اشارو بلڪل درست آهي. هاڻي اوهان اهو ٻڌايو تہ هي ڪوچ، جنهن تي اوهان ويٺا آهيو توهانکي ڇا ٿو ياد ڏياري؟“
پوڙهي چڙندي وراڻيو هو، ”هي ڪهڙا سوال ٿو پڇين؟ مون توکي اڳواٽ في انهيءَ لاءِ ادا ڪونہ ڪئي آهي جو مون کان ويهي احمقانہ سوال پڇ!“
ياد رهي تہ فرائيڊ پنهنجي هر مريض کان اڳواٽ ئي في وٺي ڇڏيندو هو ڇو تہ سندس چوڻ موجب انهن جو ڪهڙي وقت بہ فرقو ڦري سگهي ٿو. فرائيڊ کيس ڏاڍي ڌيرج سان چيو، ”توهان ناراض نہ ٿيو. برابر هي ڪوچ اوهانکي سيڪس ئي ياد ڏياريندو هوندو ڇو تہ هي ڪوچ ڏسي سڀني کي اها شيءِ سار تي تري ايندي آهي، پر هاڻي قرب ڪري آخري سوال جو جواب ڏيوم تہ جڏهن توهان ڪو اُٺ ڏسندا آهيو تڏهن اوهانکي ڇا محسوس ٿيندو آهي؟“
پوڙهو مريض کِل ۾ ويڙهجي ويو ۽ کيس چيائين تہ ”اُٺ کي ڏسي بہ مونکي سيڪس ئي ياد پوندو آهي.“
فرائيڊ سندس جواب ٻڌي حيران ٿي ويو، ڇو تہ هن اٺ وارو سوال کانئس ائين ئي ڪيو هو. جنهن مان اهڙي جواب جي ڪا به اميد ڪونہ ٿي رکيائين. هن سوچيو هو تہ مريض چوندو تہ اُٺ ڏسي بس اٺ جي باري ۾ ئي سوچيندو آهيان پر اُٺ ڏسي کيس سيڪس ياد اچڻ وارو مامرو تہ عجيب آهي. ان منجهيل سٽ کي سلجهائڻ لاءِ فرائيڊ کيس وڌيڪ چيو هو، ”مون سوچيو هو تہ تنهنجي تپاس سان منهنجي نظريي جي تائيد ٿي رهي آهي پر اٺ کي ڏسي سيڪس ياد اچڻ وارو مامرو تہ ڪڏهن منهنجي ٿيوري تحت پاڻ منهنجي ڌيان ۾ بہ ڪو نہ آيو آهي! مونکي سمجھ ۾ نٿو اچي تہ اٺ کي ڏسي توکي سيڪس جي سار ڪيئن ٿي اچي.“
پوڙهي مريض وڏو ٽهڪ ڏئي کيس چيو هو، ”اڙي چرٻٽ! تون نہ سمجهندين. مونکي تہ هر شيءِ ۾ سيڪس ٿو نظر اچي. اهوئي تہ منهنجو مسئلو آهي، جنهن جي حل لاءِ آنءُ (آئون) تو وٽ آيو آهيان.“
منهنجي خيال ۾ سڄي دنيا ٻن شين جو شڪار بڻيل آهي هڪ سيڪس ۽ ٻيو موت…
”اوشو جي آتم ڪهاڻي“ , ”ص: 82“
نوٽ؛ مٿيون ٽڪرو سوشل ميڊيا تان ورتل آهي.

اوشو

”جيڪڏهن توهان ڪنهن سان محبت ڪيو ٿا تہ وچ ۾ آزاديءَ جو ناتو هجڻ گهرجي. سڀاڻي جيڪڏهن توهان پنهنجي زال کي ٻئي سان ڀاڪر پائيندي ڏسو تہ حسد جي ڪا ضرورت ڪانهي. اُها تہ مالا مال ٿئي پئي، اُها تہ محبت جي هڪ نئين ذائقي کي چکي رهي آهي. بلڪل ائين جيئن توهان ڪڏهن هندوستاني کاڌا ڇڏي ڪنهن چائنيز ريسٽورينٽ ۾ هليا ويندا آهيو. ذائقو بدلائڻ لاءِ“…
ڪتاب: عورت, ص: ٥٧
سنڌيڪار: الطاف ملڪاڻي

Osho Bhagwan Shri Rajneesh

شيلا ۽ جارج پنهنجي هَني مون جي پهرين رات فرانس جي قديم شهر ۾ گذاري رهيا هئا. شيلا هن قديم شهر جي بخت ڀري رات ۾ اڃان وڌيڪ تانگهه ڀريل جادو ڀرڻ لاءِ رِٿ ڏني ته اڄ رات جڏهن شهر جو پوڙهو چوڪيدار رات جو هر هڪ ڪلاڪ کانپوءِ گهِنڊ وڄائيدو ته پاڻ ٻئي مست الست پيار ڪنداسين. جارج مسڪرائي اها رِٿ قبول ڪري ورتي. پر اڃا چار ڪلاڪ به نه گذريا هئا جو جارج سگريٽَ وٺڻ جي بهاني سان شهر جي گهنٽا گهر تي آيو ۽ چوڪيدار کي چيائين ته تون مون سان ٿورڙو سهڪار ڪندين، اهو هنيئن ته، ڇا تون اڄ رات هر  ڪلاڪ جي بدرآن هر ٻن ڪلاڪن کانپوءِِ گهِنڊ وڄائي سگهين ٿو. چوڪيدار، جارج کي چيو ته مون کي توسان سهڪار ڪري ڏاڍي خوشي ٿئي ها، پر آئون ائين نٿو ڪري سگهان. جارج چوڪيدار کي چيو ته ائين نه ڪر، مون تي ڀلائي ڪر، مان توکي ان ڪم جا پئسا ڏيندس. پوڙهي چوڪيدار جارج کي چيو ته نه ائين نٿو ٿي سگهي سائين، ڇالاءِ جو اڄ هڪ نوجوان کڙيل گل جهڙي سهڻي ڇوڪري مون وٽ آئي هئي ۽ مون کي پهرين ئي خرچي ڏئي وئي آهي ته اڄ رات آئون هر اڌ ڪلاڪ کان پوءِ گهِنڊ وڄايان.
گرو رجنيش اوشو
ڪتاب عورت، جنس ۽ مذهب